Tingulli 3nt me album te ri ne qershor!!!

Ka më shumë se pesë muaj që rep grupi kosovar ‘Tingulli 3NT’ nuk ka lansuar ndonjë hit. Nëpër ueb faqe të ndryshme është shkruar se grupi e ka bërë këtë për shkak të pritjes shumë të keqe që ia kishte bërë publiku më 17 nëntor, kur në Prishtinë kishte ardhur për të kënduar reperi i njohur amerikan “50 Cent”. Tingulli 3NT atëkohë ishte qëlluar me shkrepëse dhe stilolapsa si dhe ishte fyer nga publiku. Mirëpo, sipas Getoar Selimit, “Tingulli 3nt” gjatë kësaj kohe ka punuar në albumin e ri. Gjatë muajit qershor grupi do të nxjerrë në shitje albumin e pestë me radhë. Albumit do t’i paraprijë lansimi i vidoklipit të njërës prej këngëve - ka treguar Geti për emisionin tonë. Albumi do të përmbajë 10 këngë të reja, përfshirë këtu edhe disa bashkëpunime, për të cilat grupi është i njohur. Reperi njihet për bashkëpunimet e suksesshme me këngëtare të njohura nga Kosova e Shqipëria, si: Nora Istrefin, Elvana Gjatën, Qilejtën etj. Madje, me disa prej tyre ai ka pasur edhe lidhje dashurie. E dashura e radhës e Getit nuk është këngëtare, por është prezantuese televizive. Çifti u paraqit bashkë në ceremoninë e ndarjes së shpërblimeve videomuzikore “Videofesti Muzikor 2008” dhe ndanë çmimin “Videoklipi më i mirë rap/hip-hop”. Në këtë ceremoni ishte edhe ish e dashura e tij, këngëtarja Elvana Gjata, e cila falënderoi atë për këngën e bukur siç ka thënë ajo, “Mamës”.