Brigitte Bardot dënohet me 15000 euro për fyerje të mysliman

Gjykata e Parisit ka paditur ish yllin e filmit Brigitte Bardot me 15,000 euro për nxitje të racizmit duke fyer myslimanët. Kjo është padia e 5-të për akuza të ngjashme në 11 vjetët e fundit. Bardot, tash një aktiviste për mbrojtjen e të drejtave të kafshëve, në mënyrë të vazhdueshme ka kritikuar një gosti të “Eid al-Adha” gjatë së cilës myslimanët në mënyrë rituale kanë prerë kurban ndërsa ajo gjithashtu ka kritikuar edhe tradita të tjera të ngjashme.Dënimi i saj i fundit ka të bëjë me mënyrën se si e ka përshkruar ajo komunitetin mysliman në Francë duke e quajtur si “popullatë që po dëmton vendin tonë, duke i madhëruar aktet e tyre”. Prokurorët kanë rekomanduar dy muaj burgim për aktoren në vend të gjobës, mirëpo gjykata nuk i ka përfillur këto kërkesa. 73 vjeçja Bardot, e cila thotë se nuk është në formë të mirë për të lëvizur, nuk ishte e pranishme me t’u marrë vendimi. Përpos gjobës, Bardot duhet të paguajë dëmtime simbolike për disa organizata anti-raciste. Gjykata gjithashtu ka kërkuar që vendimi për të publikohet nëpër revista dhe gazeta të cilat luftojnë për mbrojtjen e të drejtave të kafshëve. Bardot është dënuar katër herë që nga viti 1997 për nxitje të urrejtjes raciale, me shuma të cilat sillen prej 1,500 deri 15,000 euro. Biondina Bardot, sex-simbol i viteve 50-ta e 60-ta, ishte yll filmi me shumë ndikim në botën e kinematografisë. Ajo njihet për rolet në filmat “And God Created Woman” nga Roger Vadim më 1956 dhe “Contempt” nga Jean-Luc Godard më 1963. Bitëlls-at në kulmin e suksesit të tyre patën deklaruar se janë adhurues të flaktë të saj ndërsa tekst-shkruesi francez, Serge Gainsbourg, ish i dashuri i aktores, pati shkruar një hit këngë për të. Por që nga dalja pensionimi dhe mos paraqitja e saj në ekran të madh Bardot është shndërruar në një figurë kontraverze e cila shpesh herë përmes fushatës së saj për mbrojtjen e të drejtave të kafshëve verbalisht ka atakuar homoseksualët, imigrantët dhe të papunët.